ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងកសិកម្មកំពុងរៀបចំប្រព័ន្ធផលិតកម្មថ្មីដែលធានាដល់តម្លៃផលិតផលកសិកម្មកម្ពុជា

  • ចុះផ្សាយថ្ងៃទី០៥ ខែមករា ឆ្នាំ២០២៣ ម៉ោង ១៥:២២ នាទី ដោយ Sao SokEng
  • 1508
  Aa |   aA

ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា បានលើកឡើងថា ក្រសួងនឹងរៀបចំប្រព័ន្ធផលិតកម្មថ្មីដោយផ្តោតលើផលិតផលក្នុងស្រុក និងទីផ្សារក្រៅស្រុក ហើយក្រសួងក៏នឹងធ្វើការជាមួយក្រសួងពាណិជ្ជកម្ម ដើម្បីជំរុញបន្ថែមទៀតលើការបើកទីផ្សារផលិតផលកសិកម្មក្នុងស្រុក និងបើកទីផ្សារសេរីតាមរយៈយន្តការផ្សេងៗ។

ថ្លែងក្នុងសន្និសីទសារព័ត៌មានស្តីពី «ទស្សនទានក្នុងវិស័យកសិកម្មនៅកម្ពុជា» ធ្វើឡើងនៅទីស្តីការគណៈរដ្ឋមន្ត្រី នាព្រឹកថ្ងៃទី០៥ ខែមករា ឆ្នាំ២០២៣ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា បានបញ្ជាក់ថា ការរៀបចំប្រព័ន្ធផលិតកម្មថ្មីនេះនឹងក្លាយជាភារកិច្ចដ៏សំខាន់ថ្មីមួយទៀតរបស់ក្រសួងកសិកម្មដើម្បីរក្សាស្ថិរភាពតម្លៃផលិតផលកសិកម្មនៅកម្ពុជា។ ប៉ុន្តែលោកបន្តថា រចនាសម្ព័ន្ធថ្មីក្នុងវិស័យកសិកម្មនេះ នឹងត្រូវប្រើពេលយូរបន្ថែមទៀត ហើយក៏ទាមទារឱ្យមានការចូលរួមពីគ្រប់ភាគីពាក់ព័ន្ធទាំងអស់។

លោកថា ការបង្កើតឱ្យមានទស្សនទានថ្មីក្នុងវិស័យកសិកម្មនេះគឺដើម្បីជំរុញឱ្យវិស័យកសិកម្មនៅកម្ពុជាមានភាពរីកចម្រើនឱ្យស្របនឹងគោលនយោបាយរបស់រាជរដ្ឋាភិបាលកម្ពុជាក្នុងការលើកកម្ពស់ជីវភាពរបស់កសិករ និងកាត់បន្ថយអត្រាក្រីក្រនៅកម្ពុជា។

លោកនិយាយដូច្នេះថា៖ «នៅពេលដែលយើងមានរចនាសម្ព័ន្ធក្នុងវិស័យកសិកម្មច្បាស់លាស់ មិនមែនរចនាសម្ព័ន្ធថ្នាក់ជាតិ និងជារចនាសម្ព័ន្ធរដ្ឋទេ តែជារចនាសម្ព័ន្ធនៅក្នុងវិស័យឯកជន ដែលរួមមានកសិករ ពាណិជ្ជករ អ្នកផលិត គឺយើងបង្កើតឱ្យមានអង្គការលេខមួយដែលមានភាពរស់រវើក ហើយអាចបន្សាំខ្លួនទៅហ្នឹងទីផ្សារបាន។ ឥឡូវនេះ ប្រជាកសិករនៅមានផ្នត់គំនិតចង់ដើរតែឯង ស្រួលលឿន ប៉ុន្តែបើយើងរៀបចំឱ្យដើរជាមួយគ្នា គឺយើងនឹងដើរបានឆ្ងាយ ចំណុចនេះសំខាន់ណាស់ ដើរតែឯងដួល អត់មានអ្នកណាលើកទេ ប៉ុន្តែបើដើរជាមួយគ្នា មានគ្នីគ្នាជួយគ្រា »។

លោកបានគូសបញ្ជាក់ថា បើកាលណារៀបចំប្រព័ន្ធផលិតកម្មថ្មីទទួលបានជោគជ័យ នោះនឹងអាចធានាបាននូវស្ថិរភាពទីផ្សារមួយយ៉ាងជាក់លាក់ ពោលនឹងធានាបានទាំងបរិមាណមានគុណភាព និងធានាបានទាំងតម្លៃខ្ពស់ផង។ ជាពិសេសសម្រាប់បំពេញតម្រូវការទីផ្សារក្នុងស្រុក និងទីផ្សារក្រៅស្រុក។

លោកថា៖ «នៅពេលដែលការចងក្រង (ប្រព័ន្ធផលិតកម្មថ្មី) នេះបានជាក់លាក់ ការប៉ាន់ស្មានទំហំទីផ្សារ ក៏នឹងងាយស្រួល ការរៀបចំផែនការផលិតកម្មក៏នឹងបានច្បាស់លាស់។ អ៊ីចឹងវាខុសគ្នារវាងការរៀបចំជាទីផ្សារសេរីសុទ្ធសាធ ប្រសិនយើងទុកឱ្យកសិករសម្រេចដោយខ្លួនឯងថាចង់ដាំអី គាត់នឹងប្រឈមទៅហ្នឹងស្ថានភាពពេលប្រមូលផលហើយ ទីផ្សារមានការប្រែប្រួលតែម្តង»។

លោក ឌិត ទីណា បានបន្ថែមថា ក្រសួងកសិកម្មនឹងចងក្រងជាសហព័ន្ធសហគមន៍ដែលរួមមានទាំងការផ្គត់ផ្គង់វត្ថុធាតុដើម ការផលិត និងការដឹកជញ្ជូនជាដើម៕ 


ព័ត៌មានជាច្រើនទៀតសម្រាប់អ្នក